2017年6月24日 星期六

怒食牛★宮崎日式燒肉店★

最近壓力有點大,想怒食牛。
索性約朋友們去旺角宮崎日式燒肉店 喪食燒肉放題~

食物種類多,牛肉來自日本及澳洲,2百幾蚊,很不錯!
最近做緊優惠,每二人同行就送一客仙境純情豚或憤怒火牛仔


坐低後很有默契的分成2小隊,一隊出外面拎飲品、小食同蔬菜,



另一隊怒點牛同燒物。

呢度嘅牛肉以放題嚟講真係唔錯,選擇多,而且新鮮,水準平均,每款牛都幾好食,又JUICY。
鍾意佢地嘅肉係無醃嘅,醃咗反而未必好味,同埋可能D牛唔靚都唔知。

上菜速度快,所以keep到新鮮度。

送嘅憤怒火牛仔,薄切,點上微辣汁,都ok。


呢個應該係牛小排~ (真心唔記得名...)
但幾好食,肉嫩又JUICY~


瘋狂食完一堆牛後,再試試豚肉及台灣腸,也好ok。台灣腸我encore了幾次~


仲有不能miss的海鮮,海蝦及帆立貝又係怒食之選,食極都有。啖啖肉又彈牙,不錯。





蝦仲要好大隻~~

除燒肉外,炸物亦是必點,中間隔一隔,鍾意食牛也要有停頓位。

食飽後就得用另一個胃裝甜品吧,有甜點同雪糕呢~


抵食同好味到一個點★土瓜灣 友料雞煲海鮮火鍋★

同朋友講起話好掛住好味道嘅打邊爐,唔係任食場、要散叫,可以慢慢嘆嘅。
朋友話去土瓜灣食「友料雞煲」啦,話真心推,OK,既然佢堅持,我就順佢意啦XDDD

天氣熱,坐低第一件事叫支青島,$22一枝大啤,算抵WOW~

原來餐廳是良心餐廳來的,每日會煮新鮮飯菜,派飯給有需要人士,每日100份。有興趣可做義工或買飯票~~


店員推薦叫友料愛心餐,HK$188/位,包以下的東西!

每位$188,絕對是超超值!
之後加單,餸、酒同飲品都係75折,不過海鮮除外

我地叫咗四位友料愛心餐,另外仲叫咗個澳門蒜辣卜卜蜆 同養顏花膠濃雞鍋。 諗住個個都係大胃王就唔怕啦,但真係超~飽XDDD

先上冷盤開胃,有 6款,味道不錯。泡椒雞腳好正,最特別嘅係有白鹵水生腸,好耐無食過~


刺身,4人份量都算多。款式多,又新鮮,仲有少食嘅冰鎮墨魚,又幾好食!


湯底揀咗營養雜菜鍋,夠清甜~


打邊爐由時令海鮮開始。

4人份的份量都算好多,而且有6樣,堅抵!!有膏蟹、鮑魚、蟶子,海蝦、花甲同卜卜蜆


有膏蟹同鮑魚果下已真心LIKE,仲要新鮮又大隻~
第一次用卜卜蜆打邊爐,原來好鮮甜。

另外仲有自家製即炸響鈴~~~

上台時熱辣辣,試食一啖係皮薄嘅,快手烚一下,再加甜酸醬已好好味~
個人建議唔烚都得,即食仲正!

跟餐嘅美國肥牛就無咩驚喜,如果鍾意食牛,可以補差價轉安格斯肥牛,加多大約$50就得。

另外仲有蔬菜粗糧拼盤同香芋芝心丸,

不過我放棄咗,因要食以下呢個!!

澳門蒜辣卜卜蜆 HK$148


超級超級好味!
為咗呢個,已經足夠令我再唻食!
上枱時已聞到好香嘅蒜辣味。
成個火鍋咁大嘅份量,超誇張!
卜卜蜆好大隻,好鮮甜。蜆肉夠厚身,真正啖啖肉!
配上蒜辣湯底一齊食,不會互相搶味,反正將卜卜蜆嘅鮮甜帶哂出唻!
必叫,強推!
$148真係抵到一個點。

有人話要飲湯,話好耐無飲靚湯,就叫咗養顏花膠濃雞鍋

養顏花膠濃雞鍋 HK$228


用上半隻雞熬煮出唻、無加奶、更有足8兩花膠,非常足料。
雞味濃郁,花膠煮得剛好,有咬口、唔會散但亦有黏黏嘅骨膠原。
入口非常順喉,不油不膩不燥,好好飲!


估唔到,我地真係咁大食,最後只係食淨少少。但好有衣食,煮熟打包拎走,唔好浪費~

總結,雖然對我唻講唔就腳,但會再唻!

友料雞煲海鮮火鍋

土瓜灣 土瓜灣道237A號益豐大廈B座地下

2017年6月16日 星期五

萬用止痛貼,我要跟腰痛絕交

腰痛大概已成了我的好友,常伴左右。。。(哭)


經常性彎腰抱起個仔,左手抱仔右手抬B車。
加上我是開刀生的(緊急開刀呀慘。。),打麻醉又對條腰唔好。
更無時間去做瑜伽拉筋。。。
令到條腰成日“冤”住痛。。。

能夠忍我都盡忍,唔食止痛藥。
但有次嚟M就令我生不如死。。。
谷M嘅腰痛加上條腰赤赤痛,仲要抱仔,簡直喊出嚟。

之後用「騰泰堂靈芝止痛貼」,佢嘅止痛效果真係救番我條腰!!



(仲要第一晚痛時我用日本一隻對我曾經好work嘅三笠止痛貼都唔work…)

「騰泰堂靈芝止痛貼」將原支鹿角靈芝通過獨有技術,將其達到納米級別粉狀,再通過量子力學原理對靈芝粉進行反應,而得出效果!
一盒有2包,每包10塊。每包有ziplock,方便存氣。



size不是很大,大概是掌心般大吧。

無味的布貼,能完全緊貼各部位,能深入滲透患處。


功效持續時間長,促進血液運行舒緩痛楚。
更可舒緩各式不同的痛症,包括
胃痛、經痛、神經痛、
風濕痛、骨膜炎骨刺痛、
跌打扭傷、肌肉酸痛、神經痹痛等不適。

勁萬能!

貼後腰暖暖地,好快就唔赤赤痛了。 
當晚老公替我貼了腰痛的部位,之後在近乎無痛的情況下,終於抱到仔,瞓到覺,感恩!
價錢唔貴,能醫腰痛無價。入定看門口吧!

銷售點:
「鹿芝靈(靈芝大王)」Facebook選購:https://www.facebook.com/GanorhocepsCapsule
Whatsapp此電話訂購:6743 3468

「騰泰堂靈芝止痛貼」
價格:HK$140
規格:10貼 / 包 X 2包 / 盒
鹿芝靈(靈芝大王)Facebook:https://www.facebook.com/GanorhocepsCapsule
騰泰堂網址:http://gallophealthcare.com
騰泰堂Facebook:https://www.facebook.com/pg/GallopHealthCare

謝謝收看~請多多指教喲~
~~~~~~~~~~~~~~~~~~~~~~~~~~~~
歡迎邀請合作試用及出席活動
★朱迪☆
www.facebook.com/JudysWonderland 
~~~~~~~~~~~~~~~~~~~~~~~~~~~~

2017年6月15日 星期四

在室內擁抱陽光!在AVA吃得到的加州風Afternoon Tea

Afternoon Tea這邪惡東西,變化萬千,要好味道、賣相亦要吸引!

最近天氣實在太熱,盡量地我都唔想在室外曬太陽(是盡量,因樂樂要在戶外放電呀~)
但在室內也可擁抱陽光喲~ 就是去AVA Restaurant Slash Bar吃一個「魅力加州耀目下午茶」,更送上人氣型格眼鏡品牌Santa Monica的眼鏡袋(有6色,隨機送)及八折優惠券。



 鹹甜點放滿TEA SET架,各佔六款,一定夠飽~(笑)

鹹點包括迷你牛肉漢堡、迷你龍蝦包、cocktail shrimp、 蔬菜撻、清涼泡沫mojito及椰子黑松露牛油粟米杯。
迷你牛肉漢堡及迷你龍蝦包做得不錯~
迷你牛肉漢堡牛肉很Juicy,肉質煎得剛好。

迷你龍蝦包的龍蝦肉份量有點滿瀉的感覺喲~


清涼泡沫mojito很特別,是用分子料理的做法吧?

像喝了一口很濃縮的mojito。記住先食少少東西才吃這個。會醉的。

吃完鹹點便吃甜點了~(是廢話嗎?)

甜點有香脆曲奇餅、伯爵茶朱古力慕絲脆筒、士多啤梨慕絲香檳果凍、百利甜酒朱古力棒棒、金箔什莓撻及馬卡龍 。

很喜歡這個Santa Monica太陽眼鏡造型的icing cookie~ 這個擺法變了個人樣,很嘆的樣子~


 爵茶朱古力慕絲脆筒也不錯,chocolate mousse香濃幼滑,像甜筒的造型很可愛~


百利甜酒朱古力棒棒是cake pop的變奏版。酒心很濃,但絕不搶味,跟朱古力很match。


粉紅色的士多啤梨慕絲香檸果凍,賣相吸引,帶著酒香。食一個tea彷彿飲了3杯酒是咩玩法。(但我又好enjoy)。


最後還配上醉人特色紅莓雞尾酒。


以酒香甜點作主打,又有靚景相伴。正呀!

AVA Restaurant Slash Bar
尖沙咀赫德道8A號隆堡麗景酒店38樓

價錢:HK$498 <2人用>(另收原價加一服務費) 
供應日期:即日起至2017年7月31日 
供應時間:星期一至五 下午3:00至5:00;星期六及日 下午3:30至5:30 
優惠:隆堡鑽石卡及Rhombus Dining餐飲應用程式會員,尊享75折優惠


謝謝收看~請多多指教喲~
~~~~~~~~~~~~~~~~~~~~~~~~~~~~
歡迎邀請合作試用及出席活動
★朱迪☆
www.facebook.com/JudysWonderland 
~~~~~~~~~~~~~~~~~~~~~~~~~~~~

★尚鮮★為了海鮮拼盤及任點蠔,我會再來!

有段時間沒去吃燒肉,特地又約了朋友去「尚鮮日式燒肉漁市場」~
更好的是,今次有BB凳,我仔都有得食~

4人同行,又提早咗一星期預約,就送一個海鮮拼盤~ 好豐富!有原隻大龍蝦、蟹、甲羅燒、鮑魚、生蠔、帆立貝!


建議燒咗呢個拼盤約一半再點要燒的東西,因木盤很大,阻掟呀XDDD
龍蝦爽口、啖啖肉,不錯~
燒蠔跟燒鮑魚亦很鮮甜。
甲羅燒有驚喜!半熟鵪鶉蛋加蟹膏,蟹膏味濃郁,很好吃!


在等待海鮮燒熟之前,點些小吃、刺身及炸物來醫肚吧。
刺身新鮮,跟主打刺身放題的日式店有得揮!

最開心有我鍾意食嘅榮螺!!
帶子都不錯,厚切的喲~

炸物必點我最愛的芝士年糕,炸得不錯,不會過油!


小吃可點醉香雞中翼,不錯,酒糟味掌握得好,不會太苦。


吃完一輪海鮮跟小食,當然不能放過燒肉!
燒肉質素KEEP到水準,推介一口牛,JUICY,易燒,牛味濃香,正!


其他牛肉也很不錯,以這個價錢食到這質素,仲要任點,非常值!
如果想再吃海鮮,更可點生蠔同虎蝦狂食!


食得有點膩亦可吃點燒菠蘿清清味覺。
亦不會忘了我的歲半仔仔最愛的燒粟米及日本蕃薯仔。



完成大餐後,還每人送上一盒movenpick雪糕,絕對是滿載而歸呀!



謝謝收看~請多多指教喲~
~~~~~~~~~~~~~~~~~~~~~~~~~~~~
歡迎邀請合作試用及出席活動
★朱迪☆
www.facebook.com/JudysWonderland 
~~~~~~~~~~~~~~~~~~~~~~~~~~~~



怒食牛★宮崎日式燒肉店★

最近壓力有點大,想怒食牛。 索性約朋友們去旺角宮崎日式燒肉店 喪食燒肉放題~ 食物種類多,牛肉來自日本及澳洲,2百幾蚊,很不錯! 最近做緊優惠,每二人同行就送一客仙境純情豚或憤怒火牛仔 坐低後很有默契的分成2小隊,一隊出外面拎飲品、小食同蔬菜, ...